Stoppelhaene lied

De roggebouw is of ‘edoane
En ‘t laeste voer is op ‘elaen
Noe loa wie’t werk en steugie stoane
En viert tesaement de Stöppelhaen
Noe is dit zommerfees op tille
De tied van’t riepen van’t gewas

Wie maekt dan met mekaere wille, wille, wille
De Stöppelhaene zit in de gas
Wie maekt dan met mekaere wille, wille, wille
De Stöppelhaene zit in de gas

Dit is een fees veur boerenmeensen
Noar’n oalen stiel in Sallaands laand
Wie könt oons niet wat betters weensen
Noe’t drukke werk is an de kaant
Een glaesie zuut det mag ‘t wè kossen
Met ‘n ende wos zo uut de pan

Bi’w gangs dan zinge wie oale liedties en goat hossen
De Stöppelhaene die kreit d’r van
Bi’w gangs dan zinge wie oale liedties en goat hossen
De Stöppelhaene die kreit d’r van.